SÜRƏT MƏHDUDİYYƏTİNƏ ƏMƏL ETMƏYƏN 20 MİN 614 SÜRÜCÜ MƏSULİYYƏTƏ CƏLB EDİLMİŞDİR
Respublika ərazisində 2005-ci ildə qeydə alınmış yol-nəqliyyat hadisələrinin təhlili göstərir ki, nəqliyyat vasitələrinin yüksək sürətlə idarə edilməsi nəticəsində baş vermiş 1382 hadisədə 504 nəfər həlak olmuş, 1372 nəfər isə müxtəlif dərəcəli bədən xəsarəti almışdır. Bu hadisələr ümumilikdə qeydə alınan yol-nəqliyyat hadisələrinin 44 faizini təşkil etmişdir.
Aylığın keçirildiyi ötən 20 gün ərzində yol polisi əməkdaşları sürət məhdudiyyətinə əməl etməyən 20 min 614 sürücünü inzibati qaydada məsuliyyətə cəlb etmişdir.
Baş Dövlət Yol Polisi İdarəsi bir daha bütün hərəkət iştirakçılarını yol hərəkəti qaydalarına riayət etməyə, idarə, müəssisə, təşkilat rəhbərlərini və kütləvi informasiya vasitələrini təhlükəsizlik aylığının yüksək səviyyədə keçirilməsinə yardımçı olmağa çağırır.
