Suriya böhranı üzrə Astana formatının növbəti görüşü Nur-Sultanda keçiriləcək
Nur-Sultan, 4 iyun, AZƏRTAC
Suriyada münaqişənin nizamlanması üzrə Astana formatının növbəti görüşü bu il iyunun sonunadək Nur-Sultan şəhərində keçirilməsi planlaşdırılır.
AZƏRTAC ölkə KİV-lərinə istinadən xəbər verir ki, bu barədə Rusiya Federasiyasının xarici işlər nazirinin müavini, prezidentin Yaxın Şərq və Afrika ölkələri üzrə xüsusi nümayəndəsi Mixail Boqdanov bildirib.
Xatırladaq ki, Suriyada münaqişənin nizamlanması üzrə Astana sülh prosesi Türkiyə, Rusiya və İran tərəfindən 2017-ci ilin yanvarında başlanıb.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
