SÜRÜŞMƏ ZONALARINDA MÜNTƏZƏM MONİTORİNQLƏR KEÇİRİLİR

06.12.2005 [18:22]
Çap et
A⁺ A^-

Ekologiya və Təbii Sərvətlər Nazirliyinin Milli geoloji kəşfiyyat xidmətinin mütəxəssisləri sürüşmə zonalarında müntəzəm monitorinqlər keçirirlər. Nazirliyin mətbuat xidmətindən AZƏRTAC-ın müxbirinə bildirmişlər ki, monitorinqdən əsas məqsəd sürüşmələrin nəticələrinin proqnozlaşdırılması və profilaktik tədbirlər görülməsidir. Sürüşmə prosesləri İsmayıllı, Ağsu, Şamaxı, Qobustan, Quba, Dəvəçi, Qusar, Xızı, Gədəbəy, Lerik, Cəlilabad, Şahbuz və Ordubad rayonlarında müşahidə olunur. Bakıda bu vəziyyət Bayıl, Əhmədli və Günəşlidə qeydə alınmışdır. Şamaxı-İsmayıllı, Lerik və Xızı avtomobil yolları, Ağsu aşırımı da sürüşmələrə məruz qalır.

Mütəxəssislərin fikrincə, ümumi neotektonik proseslərin fonunda Azərbaycanda sürüşmə proseslərinin fəallaşmasının səbəbi meşələrin qırılması, avtomobil yollarının kənarında su kanallarının olmaması, yaxud onların yararsızlığı, qısa müddət ərzində çoxlu miqdarda suyun kanallardan, su kəmərlərindən və arxlardan yeraltı təbəqələrə axmasıdır.

Paytaxtda sürüşmələr qeydə alındığı yerlərdə bu proses su kəmərlərindən və kanalizasiya sistemindən suyun torpağa axması, geoloji müdafiə tədbirlərinə riayət edilməməsi, tikinti işləri zamanı yamacların kəsilməsi üzündən baş verir.

SÜRÜŞMƏ ZONALARINDA MÜNTƏZƏM MONİTORİNQLƏR KEÇİRİLİR

MÜƏLLİFLƏ ƏLAQƏ

Bölmənin digər xəbərləri