Şüşə tullantı və ya işlənmiş batareya təhvil verənlərə ağac tingləri hədiyyə olunacaq
Bakı, 5 aprel, AZƏRTAC
Ekologiya və Təbii Sərvətlər Nazirliyi və “Bravo” marketlər şəbəkəsinin birgə təşkilatçılığı ilə “Tullantıları tinglərə dəyiş” aksiyası aprelin 7-də Xətai rayonunda “Bravo” superstorun qarşısında keçiriləcək.
Nazirliyin mətbuat xidmətindən AZƏRTAC-a bildirilib ki, aksiya zamanı vətəndaşlar minimum 5 litr tutumu olan şüşə tullantı və ya 10 işlənmiş batareya təhvil verərək əvəzində ağac tingləri əldə edə biləcəklər.
Nazirlik hər kəsi aksiyada fəal iştirak etməyə, ağac əkərək təbiətə töhfə verməyə, eyni zamanda, tullantıların təkrar emalına dəstək olmağa çağırır.
Aksiya Xətai rayonu, Babək prospekti ilə Nəcəfqulu Rəfiyev küçəsinin kəsişməsində yerləşən “Bravo” superstorun qarşısında saat 12:00-da keçiriləcək.
Bölmənin digər xəbərləri
