Syerra-leoneli iştirakçı: COP29 ən yüksək standartlara uyğun təşkil olunub
Bakı, 16 noyabr, AZƏRTAC
“COP29 ən yüksək standartlara uyğun təşkil olunub. Konfrans çərçivəsində bütün tədbirlərə qatılmağa çalışıram. Azərbaycanın bu tədbirə ev sahibliyi etməsi heyranedicidir”.
Bu sözləri AZƏRTAC-a açıqlamasında Syerra-Leonenin Səhiyyə və Sanitariya Nazirliyinin nümayəndəsi Filip Donald Karqbo deyib.
O qeyd edib ki, iqlim dəyişmələri bəşəriyyətə böyük zərər vurur: “Hər gün bunun şahidi oluruq. Bu konfransda iştirak etməkdə əsas məqsədim iqlim baxımından planetimizin daha yaxşı vəziyyətə gətirilməsinə töhfə verməkdir. İqlim dəyişmələri ilə mübarizə bizim birgə öhdəliyimizdir”.
Bölmənin digər xəbərləri
