TACİKİSTAN ŞİRKƏTLƏRİ PƏNC ÇAYI ÜZƏRİNDƏ SALINACAQ KÖRPÜNÜN TİKİNTİSİNDƏ İŞTİRAK EDƏCƏKLƏR
Bu haqda ABŞ-ın Tacikistandakı səfirliyinin mətbuat xidməti rəsmi məlumat yaymışdır. Xəbərdə deyilir ki, körpünün tikintisinə 2005-ci ilin yanvarında başlanacaqdır. Layihədə Tacikistan şirkətlərinə 10 milyon ABŞ dolları məbləğində iş görmək təklif olunmuşdur.
AZƏRTAC-ın xüsusi müxbiri xəbər verir ki, Tacikistan və ABŞ keçən il dekabrın 31-də Tacikistan-Əfqanıstan sərhədində nəhəng körpünün salınması barədə razılığa gəlmişlər. Layihənin həyata keçirilməsi üçün Amerika tərəfi 40 milyon dollar ayırmışdır. İşin əsas hissəsini ABŞ ordu mühəndis korpusu həyata keçirəcəkdir.
Bölmənin digər xəbərləri
