“Təmiz Şəhər” ASC olimpiada iştirakçılarına kömək edəcəkdir
Bakı, 11 aprel (AZƏRTAC). “Təmiz Şəhər” Açıq Səhmdar Cəmiyyətinin (ASC) əməkdaşları Bakıda keçirilmiş Azərbaycan Respublikasının müstəqilliyinin bərpasının 20-ci ildönümünə həsr olunmuş “İNEPO-Avrasiya” Ətraf Mühitin Mühafizəsi Beynəlxalq Layihə Olimpiadasının iştirakçıları ilə görüşmüşlər.
Cəmiyyətin mətbuat xidmətindən AZƏRTAC-a bildirmişlər ki, tullantıların idarə edilməsi ilə bağlı layihələrini təqdim edən olimpiada iştirakçılarına mükafat verilmiş və bu sahədə araşdırma aparmaq üçün dəstək göstəriləcəyi bildirilmişdir. Qeyd olunmuşdur ki, onlar ASC-nin inzibati binasında fəaliyyət göstərən Tullantıların İdarə Edilməsinə dair Resurs Mərkəzi və bu sahədə ixtisaslaşmış kitabxanadan istənilən vaxt istifadə edə bilərlər.
######
Bölmənin digər xəbərləri
