“Təmiz şəhər naminə” layihəsi başa çatıb
Bakı, 20 noyabr, AZƏRTAC
Azərbaycan Respublikasının Prezidenti yanında Gənclər Fondunun maliyyə dəstəyi ilə reallaşan “Təmiz şəhər naminə” layihəsi yekunlaşıb.
Layihənin rəhbəri Türkan Məmmədxanlı AZƏRTAC-a bildirib ki, ekologiya mövzusu çox aktualdır, çünki yaşadığımız mühitdə ətraf aləm nə qədər təmiz olsa, bir o qədər də insanlar sağlam yaşayarlar. Buna görə hər kəs ekoloji mühitin təmizliyinə çalışmalıdır.
O deyib ki, dövlət başçısı ekologiya sahəsinə xüsusi diqqət göstərir. Bunun sayəsində respublikamızda milyonlarla ağac əkilib, həmçinin atmosferi korlayan sənaye müəssisələri müasir standartlara uyğun şəkildə təkmilləşdirilərək yenidən bərpa olunub. “Biz ölkə başçısının gördüyü bu işləri dəstəkləyərək bacardığımız qədər ekologiyanın qorunub saxlanılmasına dəstək olmalıyıq. Məhz bizim layihənin əsas məqsədi ekoloji mühiti qorumaq üçün ağac əkməklə bərabər, maarifləndirmə işlərini də aparmaqdı”,-deyə o bildirib.
Bölmənin digər xəbərləri
