Təqribən 200 min əcnəbinin Almaniyaya girişinə imtina edilib
Berlin, 16 iyun, AZƏRTAC
Ölkə sərhədlərində məhdudlaşdırıcı tədbirlərin tətbiqindən sonra təqribən 200 min əcnəbinin Almaniyaya girişinə imtina edilib.
AZƏRTAC xəbər verir ki, AFR DİN-in məlumatında sərhəd nəzarəti xidmətinin əməkdaşlarının təxminən bu sayda əcnəbini geriyə qaytarmaq məcburiyyətində olduğu bildirilir. Nazirlikdə bəyan ediblər ki, sərhəd nəzarətinin həyata keçirilməsi güc strukturlarının əməkdaşları üçün ən mürəkkəb məsələlərdən biridir. Bu missiyanın yerinə yetirilməsi üçün sərhədçilərə təqribən 6 min polis nəfəri ayrılıb.
Ölkənin Daxili İşlər naziri Horst Zeehofer onlara “belə müstəsna vəziyyətdə düzgün davranışa görə” təşəkkürünü bildirib.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
