Tərtər DOST filialında 2 mindən çox vətəndaşa xidmət göstərilib

27.03.2026 [11:22]
Çap et
A⁺ A^-

Bakı, 27 mart, AZƏRTAC

Qarabağ Regional DOST Mərkəzinin Tərtər filialında 2253 vətəndaşa xidmətlər göstərilib.

Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən AZƏRTAC-a verilən məlumata görə, bu il yanvarın 22-də açılışı olan filiala edilən müraciətlər pensiya və müavinət, sosial xidmət, məşğulluq, əlillik və s. məsələləri əhatə edib.

Xidmət üçün müraciət edən vətəndaşların orta gözləmə müddəti 49 saniyə, orta xidmət müddəti isə 7 dəqiqə 9 saniyə olub.

Tərtər filialında göstərilən xidmətlərdən vətəndaşların məmnunluq səviyyəsi 99,6 faiz təşkil edib.

_{Müxbir - Süleyman Qaradağlı}