TEYMUR RƏCƏBOV ERMƏNİSTAN ŞAHMATÇISINI MƏĞLUBİYYƏTƏ UĞRATMIŞDIR
AZƏRTAC xəbər verir ki, Sofiyada keçirilən “M-Tel Masters” beynəlxalq şahmat turnirinin 8-ci turunda Azərbaycan idmançısı Teymur Rəcəbov Ermənistan nümayəndəsi Levon Aronyanı məğlubiyyətə uğratmışdır.
Hazırda həmyerlimiz 4,5 xalla turnir cədvəlindəki mövqeyini qoruyub saxlamışdır.
Digər qarşılaşmalarda Bolqarıstan təmsilçisi V.Topalov həmyerlisi İ.Çeparinovu udmuş, çinli Bu Syançji isə Ukrayna şahmatçısı V.İvançukla görüşünü heç-heçə başa vurmuşdur.
Yarışın lideri yenə də V.İvançuk olaraq qalır. V.Topalov 6 xalla 2-ci, T.Rəcəbov isə 4,5 xalla 3-cü pillədə qərarlaşmışlar.
Bölmənin digər xəbərləri
