TEYMUR RƏCƏBOV VEYK-AN-ZEE SUPERTURNİRİNDƏ LİDERLƏR QRUPUNDADIR
Bakı, 21 yanvar (AZƏRTAC). Niderlandın Veyk-an-Zee şəhərində keçirilən şahmat üzrə superturnirin (“A” qrupu) 4-cü turunda Teymur Rəcəbov Ukrayna təmsilçisi Sergey Karyaginlə görüşünü heç-heçə başa vurmuşdur.
Həmyerlimiz bu oyundan sonra liderlik qrupundakı mövqeyini qorumuşdur.
Yan Smets- Qata Kamski, Sergey Movsesyan - Lenyer Dominqes, Maqnus Karlsen- Levon Aronyan, Daniyel Stellvaqen- Vasili İvançuk, Aleksandr Morozeviç- Maykl Adams, Vanq Yu- Lyuk Van Veli qarşılaşmalarında rəqiblər xalı yarı bölmüşlər.
Dörd turdan sonra turnir cədvəlinə 2,5 xal toplamış T.Rəcəbov, Q.Kamski, Y.Smets, S.Karyagin, S.Movsesyan başçılıq edirlər. L.Aronyan, D.Stellvaqen, M.Karlsen, L.Dominqes 2 xal, A.Morozeviç, V.İvançuk, M. Adams, Vanq Yu, L.Van Veli 1,5 xal yığmışlar.
Bölmənin digər xəbərləri
