Topaz Premyer Liqasının təqvimində dəyişiklik edilib
Bakı, 12 dekabr, AZƏRTAC
Futbol üzrə Azərbaycan Premyer Liqasının təqvimində dəyişiklik edilib.
AZƏRTAC Peşəkar Futbol Liqasının (PFL) rəsmi saytına istinadla xəbər verir ki, XIV turun iki qarşılaşmasının vaxtı dəyişdirilib. Belə ki, “Sumqayıt”-“Zirə” və “Neftçi”-AZAL oyunları dekabrın 16-na təyin olunsa da, klubların xahişi əsasında bir gün sonraya keçiriləcək. Klublar PFL-ə müraciət edərək Azərbaycan kubokunun 1/4 final mərhələsinin ilk oyunları ilə Azərbaycan Premyer Liqasında ilin sonuncu turunun görüşləri arasında vaxtın az olduğunu əsas gətiriblər. Müraciəti nəzərə alan Peşəkar Futbol Liqası turun bütün oyunlarının dekabrın 17-də keçirilməsinə qərar verib.
Bölmənin digər xəbərləri
