“Tullantıları tinglərə dəyiş” aksiyası davam edir
Bakı, 3 aprel, AZƏRTAC
“Tullantıları tinglərə dəyiş” aksiyası davam edir.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirilib ki, nazirlik və “Megastore” marketlər şəbəkəsinin birgə təşkilatçılığı ilə “Tullantıları tinglərə dəyiş” aksiyası aprelin 4-də Xətai rayonunda “Megastore” supermarketin qarşısında keçiriləcək.
Aksiya zamanı vətəndaşlar minimum 5 litr tutumu olan şüşə tullantı və ya 10 işlənmiş batareya təhvil verərək əvəzində ağac tingləri əldə edə biləcəklər.
Nazirlik hər kəsi aksiyada fəal iştirak etməyə, ağac əkərək təbiətə töhfə verməyə, eyni zamanda, tullantıların təkrar emalına dəstək olmağa çağırır.
Aksiya Xətai rayonu, Xudu Məmmədov küçəsi, 1 c ünvanında yerləşən “Megastore” supermarketin qarşısında saat 13:00-da başlayacaq.
Bölmənin digər xəbərləri
