Turizm və inkişaf üçün beynəlxalq əməkdaşlığa dair kurs
Bakı, 5 avqust (AZƏRTAC). Avqustun 18-dən oktyabrın 16-dək Dünya Turizm Təşkilatının (DTT) “Themis” Fondu və ABŞ-ın Corc Vaşinqton Universitetinin birgə təşkilatçılığı ilə turizm və inkişaf üçün beynəlxalq əməkdaşlığa dair kurs keçiriləcək.
AZƏRTAC DTT-nin rəsmi saytına istinadla xəbər verir ki, Vaşinqtonda keçiriləcək kurs müddətində ali məktəb məzunlarına və müvafiq sahələr üzrə mütəxəssislərə turizmin imkanları hesabına beynəlxalq əməkdaşlıq və inkişaf məsələləri barədə məlumatlar veriləcək. İştirakçılar bu sahə üzrə ixtisaslaşmaq, eləcə də DTT-nin könüllülər korpusunun imkanlarından istifadə etmək imkanı qazanacaqlar.
Bölmənin digər xəbərləri
