Turizmin COP-da simvolu olan nar ağacı Braziliyada əkilib
Bakı, 2 dekabr, AZƏRTAC
COP29-da təşkil edilmiş ilk turizm günü üzrə keçirilən tədbirlər çərçivəsində Dövlət Turizm Agentliyinin sədri Fuad Nağıyev tərəfindən Braziliya Federativ Respublikasının turizm naziri Selso Sabinoya hədiyyə edilən nar ağacı Braziliyanın ilk milli turizm məktəbinin həyətində əkilib.
Dövlət Turizm Agentliyindən AZƏRTAC-a verilən məlumata görə, bu barədə Braziliyanın turizm naziri Selso Sabino özünün instaqram hesabında paylaşım edib.
Ağacı nazir Selso Sabino və COP30-un keçiriləcəyi Belem şəhərinin paytaxtı olduğu Para Ştatının qubernatoru Helder Barbalyo əkiblər.
Braziliyalı nazirə hədiyyə edilən nar tingi COP29-da ilk dəfə keçirilən turizm günündə əsası qoyulan turizmin iqlim dəyişikliyindəki rolunu vurğulayan təşəbbüslərin Braziliyada keçiriləcək COP30-da davam etdirilməsini simvolizə edir.
Qeyd edək ki, nar tingi braziliyalı nazirə noyabrın 23-də Dövlət Turizm Agentliyinin inzibati binasının önündə ağacəkmədən sonra hədiyyə olunub.
Bölmənin digər xəbərləri
