TÜRK VƏ AZƏRBAYCANLI XANIMLARIN ƏL İŞLƏRİNDƏN İBARƏT SƏRGİ TƏŞKİL OLUNMUŞDUR
Tədbirdə çıxış edən Gəncliyə Yardım Fondunun prezidenti Ahmed Tecim, Nazirlər Kabinetinin şöbə müdiri Qurban Sadıqov, Türkiyənin ölkəmizdəki səfirliyinin nümayəndəsi Səlahəddin Dikmən bildirmişlər ki, artıq 3-cü ildir keçirilən bu sərgidə təxminən 40-a yaxın qadının hazırladığı qida məhsulları, məişət əşyaları, geyimlər, yataq dəstləri, bəzək əşyaları, uşaq oyuncaqları, eləcə də dini kitab və jurnallar, audio və video kasetlər nümayiş etdirilir. Bu məhsulların satışından əldə olunacaq gəlir “Qarabağ: suallar və faktlar” kitabının ingilis dilində, eləcə də “Ermənistanda aparılan etnik təmizləmə və erməni silahlı qüvvələri tərəfindən Azərbaycan ərazisinin 20 faizinin işğalı nəticəsində yaranmış 1 milyonadək qaçqın və məcburi köçkün haqqında məlumat” kitabının rus və ərəb dillərində nəşrinə sərf olunacaqdır.
Sərgi martın 9-da başa çatacaqdır.
