Türkiyə Azərbaycan Dərnəkləri Federasiyası “2012-ci ilin qeyri-hökumət təşkilatı” nominasiyasında qalib olmuşdur
Bakı, 22 may (AZƏRTAC). Türkiyə Azərbaycan Dərnəkləri Federasiyası (TADEF) “Kocaeli” qəzetinin hər il təşkil etdiyi “2012-ci ilin qeyri-hökumət təşkilatı” nominasiyasında qalib olmuşdur.
Diasporla İş üzrə Dövlət Komitəsindən AZƏRTAC-a bildirmişlər ki, mükafatların təqdim edilməsi mərasimində Kocaeli valisi Ercan Topaca, Türkiyə Böyük Millət Məclisinin bu bölgədən seçilmiş deputatı Mehmet Hilal Kaplan, Kocaeli Universitetinin rektoru Sezer Komsuoğlu, TADEF-in rəhbəri Bilal Dündar və başqaları iştirak etmişlər.
İlin QHT-si seçilmiş TADEF-in sədri Bilal Dündara mükafatı təqdim edən Ercan Topaca iki ölkə arasındakı əlaqələrin inkişafında göstərdiyi xidmətlərə görə ona minnətdarlığını bildirmişdir.
Bilal Dündar qeyd etmişdir ki, Türkiyənin arxasında 300 milyona yaxın “türkəm” deyib qürurlanan gücü vardır. Təqdim olunan mükafat qarşıma yeni vəzifələr qoyur.
Bölmənin digər xəbərləri
