Türkiyə Futbol Federasiyası “Fənərbağça”-“Beşiktaş” oyunu ilə bağlı qərarını verib
Bakı, 25 aprel, AZƏRTAC
Türkiyə Futbol Federasiyasının (TFF) İdarə Heyəti “Fənərbağça”-“Beşiktaş” derbisi haqda qərar verib.
AZƏRTAC xəbər verir ki, bu qərar təxminən iki saat davam edən iclasdan sonra qəbul edildi. Derbi yarımçıq dayandırıldığı 57-ci dəqiqədən davam edəcək. Lakin matçın qalan hissəsi boş tribunalar önündə keçiriləcək.
Xatırladaq ki, “Şükrü Saraçoğlu” stadionunda keçirilən “Fənərbağça”-“Beşiktaş” görüşü 0:0 olarkən azarkeşlərin meydana yad əşyalar atması səbəbindən oyunun baş hakimi Mete Kalkavan tərəfindən dayandırılıb. Oyun mayın 3-nə təyin olunub.
Bölmənin digər xəbərləri
