Türkiyə mətbuatı ulu öndər Heydər Əliyevin xatirəsinə həsr olunmuş anım mərasimini geniş işıqlandırıb

15.12.2014 [20:14]
Çap et
A⁺ A^-

İstanbul, 15 dekabr, AZƏRTAC

Ümummilli lider Heydər Əliyevin vəfatının 11-ci ildönümü ilə əlaqədar Azərbaycanın Qars şəhərindəki Baş konsulluğunun təşkil etdiyi anma mərasimi Türkiyənin kütləvi informasiya vasitələrində geniş işıqlandırılıb.

Mətbuat yazır ki, Azərbaycan xalqı böyük oğlunu - dünya şöhrətli siyasi xadim Heydər Əliyevin tarixi xilaskarlıq missiyasını yüksək dəyərləndirərək Ulu Öndərin əziz xatirəsini uca tutur. İnformasiyalarda qeyd olunur ki, Heydər Əliyevin müəyyən etdiyi sülh və inkişaf strategiyasının nəticələri Azərbaycan sərhədlərini aşaraq böyük bir coğrafiyanı əhatə edir. Bildirilir ki, Ulu Öndərin möhkəm siyasi iradəsi sayəsində həyata keçirilən beynəlxalq layihələr yüz illər boyu insanların rifahına xidmət edəcək, xalqları və ölkələri bir-birinə daha möhkəm tellərlə bağlayacaq.

Sabir Şahtaxtı

AZƏRTAC-ın xüsusi müxbiri

İstanbul