Türkiyə və Rusiya prezidentləri arasında telefon danışığı olub
Ankara, 12 mart, AZƏRTAC
Türkiyə Prezidenti Rəcəb Tayyib Ərdoğan və Rusiya Prezidenti Vladimir Putin arasında telefon danışığı olub.
AZƏRTAC xəbər verir ki, prezidentlər Moskvada martın 5-də Suriyanın İdlib bölgəsindəki böhranlı vəziyyəti həll etmək üçün əldə etdikləri razılığa dair protokolda qeyd olunan məsələləri müzakirə ediblər.
Qeyd edək ki, Rusiya ilə Türkiyə arasındakı razılığa əsasən, martın 6-da İdlib bölgəsində atəşkəs elan edilib. Ötən günlər bölgədə ciddi insident yaradan qarşıdurma müşahidə olunmayıb. İmzalanan anlaşmanın şərtlərinin icra edilməsi üçün martın 9-dan etibarən Ankarada iki ölkənin silahlı qüvvələrini təmsil edən heyətlər arasında müzakirələr aparılır. Anlaşmaya görə, Türkiyə və Rusiya hərbçiləri martın 15-dən etibarən İdlib bölgəsində birgə patrul xidməti aparacaqlar.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
