TÜRKİYƏDƏ DÜNYA AZƏRBAYCANLILARININ HƏMRƏYLİYİ GÜNÜ MÜNASİBƏTİLƏ MƏTBUAT KONFRANSI KEÇİRİLMİŞDİR
Bakı, 30 dekabr (AZƏRTAC). Diasporla İş üzrə Dövlət Komitəsindən bildirmişlər ki, Türkiyə-Azərbaycan Dərnəkləri Federasiyasının sədri Bilal Dündar Dünya Azərbaycanlılarının Həmrəyliyi Günü münasibətilə mətbuat konfransı keçirmişdir. Tədbirdə media təmsilçiləri ilə yanaşı, Türkiyədə təhsil alan azərbaycanlı tələbələr də iştirak etmişlər.
Bu bayramın Azərbaycan xalqının ümummilli lideri Heydər Əliyevin adı ilə bağlı olduğunu diqqətə çatdıran Bilal Dündar bildirmişdir ki, son vaxtlar ölkədəki problemlərlə bağlı Türkiyənin də belə bir həmrəyliyə, birliyə ehtiyacı vardır.
Türk dünyasının da həmrəyliyini zəruri sayan B.Dündar dünyadakı Azərbaycan və türk diasporunun birgə fəaliyyətinin uğurlarını nəzərə çarpdırmış, bu ortaqlığın əsas məqsədinin beynəlxalq aləmə erməni terroru haqqında məlumatların çatdırılması olduğunu vurğulamışdır.
Bölmənin digər xəbərləri
