Türkiyədə koronavirusa gündəlik yoluxma sayında artım müşahidə olunub
Ankara, 23 mart, AZƏRTAC
Türkiyədə yeni növ koronavirus (COVID-19) infeksiyasının yayılma tempindəki artım daha da sürətlənib. Vəziyyəti nəzarətdə saxlamaq üçün vilayətlər üzrə yerli vəziyyətə uyğun olaraq qərarlara qəbul olunur.
AZƏRTAC Türkiyə Səhiyyə Nazirliyinə istinadla xəbər verir ki, martın 23-də ölkə üzrə 211 min 848 nəfər testdən keçirilib. Onlardan 26 min 182 nəfərdə infeksiyanın əlamətləri aşkarlanıb, 1006 şəxs xəstəxanalaraya yerləşdirilib. Gün ərzində bu xəstəlikdən 138 nəfər ölüb, 19 min 201 nəfər isə sağalıb.
Qeyd edək ki, indiyədək Türkiyədə ümumilikdə 3 milyon 61 min 520 nəfərdə virus aşkarlanıb, 30 min 316 nəfər ölüb.
Hazırda Türkiyədə Çinin istehsal etdiyi “Sinovac” vaksini ilə kütləvi peyvəndləmə həyata keçirilir.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
