Türkiyədən qanunsuz yollarla Avropa ölkələrinə getmək istəyən 109 miqrant saxlanılıb

04.04.2021 [22:39]
Çap et
A⁺ A^-

İstanbul, 4 aprel, AZƏRTAC

Türkiyənin İzmir vilayətində dənizə yola çıxmaq üzrə olan qəzalı bir qayıqdan 109 miqrant çıxarılıb.

AZƏRTAC xəbər verir ki, Əfqanıstan və İran vətəndaşları olan bu şəxslərin qanunsuz yollarla Türkiyə ərazisini tərk edərək Avropa ölkələrinə, xüsusilə İtaliyaya getmək istədikləri müəyyən edilib. Onlara köməklik etməkdə şübhəli bilinərək saxlanılan dörd nəfərdən üçü həbs edilib.

Aralarında hamilə qadınlar və uşaqların da olduğu miqrantlar ölkələrinə geri göndərilmələri məqsədilə aidiyyəti qurumlara təhvil veriliblər.

Günel Məlikova

AZƏRTAC-ın xüsusi müxbiri

İstanbul