Türkiyəli nazir müavini COP29 çərçivəsində keçirilən tədbirləri yüksək qiymətləndirib
Bakı, 16 noyabr, AZƏRTAC
Türkiyənin sənaye və texnologiya nazirinin müavini Məhəmməd Kasım Gönüllü COP29 çərçivəsində keçirilən tədbirləri yüksək qiymətləndirib.
AZƏRTAC xəbər verir ki, o, COP29 çərçivəsində təşkil olunan Yaşıl Rəqəmsal Fəaliyyət üzrə yüksəksəviyyəli dəyirmi masanın çox səmərəli keçdiyini deyib. Nazir müavini COP29-un təşkilatçılığını çox bəyəndiyini də vurğulayıb.
Məhəmməd Kasım Gönüllü, Türkiyənin karbonsuzlaşma platforması üzərində işlədiyini bildirib və bu platformanın Türkiyənin yaşıl və davamlı inkişaf məqsədlərinə çatmasına böyük töhfə verəcəyini əlavə edib.
Türkiyə ilə Azərbaycan arasındakı yaşıl rəqəmsallıq sahəsində yüksək səviyyəli əməkdaşlıqdan da söz açan M.Gönüllü, iki ölkə arasında bu sahədə mövcud əlaqələrin daha da dərinləşdiriləcəyinə ümid etdiyini vurğulayıb.
Bölmənin digər xəbərləri
