Türkiyəyə məxsus 15 gəmi Hörmüz boğazında gözləmə vəziyyətindədir
İstanbul, 11 mart, AZƏRTAC
Türkiyəyə məxsus 15 gəmi Hörmüz boğazında gözləmə vəziyyətindədir. Hazırda gəmilərlə bağlı problem yoxdur.
AZƏRTAC xəbər verir ki, bu barədə Türkiyənin nəqliyyat və infrastruktur naziri Abdulkadir Uraloğlu məlumat verib.
Bölgədəki vəziyyət səbəbindən Körfəz ölkələrinə tətbiq olunan və martın 13-dək davam edəcəyi bildirilən uçuş məhdudiyyətləri barədə danışan nazir bunun hadisələrin gedişatından asılı olduğunu deyib. “İranda qalan “Pegasus Airlines” və “Türk Hava Yolları” şirkətlərinə məxsus təyyarələr var. Onların ekipajlarını iki təyyarə ilə geri gətirdik. Vəziyyətin gedişatından asılı olaraq həmin təyyarələrin də geri gətirilməsi gündəmdə olacaq”, - deyə o diqqətə çatdırıb.
Günel Karatepe
AZƏRTAC-ın xüsusi müxbiri
İstanbul
Bölmənin digər xəbərləri
