TÜRKMƏNİSTAN ÖTƏN İL 200 MİLYON DOLLARLIQ HƏRBİ TEXNİKA ALMIŞDIR

14.01.2004 [10:53]
Çap et
A⁺ A^-

AZƏRTAC İTAR–TASS-a istinadla xəbər verir ki, Türkmənistan keçən il müasir hərbi texnika alınmasına 200 milyon dollardan çox vəsait xərcləmiş, 2004-cü ildə isə bu məqsədlər üçün 80 milyon dollar ayırmağı nəzərdə tutmuşdur. Bunu ölkənin prezidenti Saparmurad Niyazov bildirmişdir.

O demişdir: “Müstəqil Türkmənistanda müdafiə qabiliyyətinin möhkəmləndirilməsi, hava, quru və dəniz sərhədlərinin etibarlı müdafiəsi üçün çox işlər görülür. Lakin ordumuz heç kimi hədələmir, onun məqsədi ölkənin təhlükəsizliyini təmin etməkdir. Türkmənistan bitərəflik siyasətinə sadiqdir.”

Türkmənistana hərbi texnika satan ölkələr arasında Ukrayna liderdir. Hərbi texnikanın dəyəri Ukraynaya verilən təbii qazın hesabına ödənilir.