TÜRKMƏNİSTANDA “RUHNAMƏ”NİN İCTİMAİ QİRAƏTLƏRİ KEÇİRİLİR

24.08.2004 [15:07]
Çap et
A⁺ A^-

AZƏRTAC-ın İTAR-TASS agentliyindən aldığı xəbərdə deyilir ki, Aşqabadda Türkmənistan Prezidenti Saparmurad Niyazovun tarixi-fəlsəfi əsərinin – “Ruhnamə”nin ikinci ictimai qiraətləri keçirilir.

Türkmənistanda Qurana bərabər tutulan “müqəddəs kitab”ın ilk dinləyiciləri milli parlamentin deputatları, ölkənin görkəmli elm, mədəniyyət və təhsil xadimləri, kütləvi informasiya vasitələrinin rəhbərləri, habelə geniş ictimaiyyətin nümayəndələri olmuşlar.

İndi 17 dilə tərcümə edilən “Ruhnamə” ölkənin ali və orta məktəblərində əsas fəndir, onu bilmək işə qəbul edilərkən mütləq şərtdir.

Əsərin birinci cildi kimi, ikinci cildi də sentyabrın 12-də - Türkmənistan təqvimində onun şərəfinə Ruhnamə adlanan ayda rəsmən işıq üzü görəcəkdir.