Ucar rayonunda atasını öldürməkdə şübhəli bilinən şəxs tutularaq istintaqa cəlb olunub
Bakı, 13 iyul, AZƏRTAC
Xəbər verildiyi kimi, iyulun 10-da saat 03 radələrində Ucar rayonunun Bərgüşad kənd sakini Bayram Abbasovun öldürülməsi ilə əlaqədar Ucar Rayon Prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.
Ucar Rayon Prokurorluğunun AZƏRTAC-a daxil olan məlumatında bildirilib ki, prokurorluq və polis əməkdaşları tərəfindən həyata keçirilmiş təxirəsalınmaz və zəruri istintaq hərəkətləri və əməliyyat-axtarış tədbirləri nəticəsində cinayətin zərərçəkmişin oğlu 1994-cü il təvəllüdlü Əhliman Abbasov tərəfindən törədilməsinə əsaslı şübhələr müəyyənləşdirilib.
Əhliman Abbasov şübhəli şəxs qismində tutularaq istintaqa cəlb olunub.
Hazırda cinayət işi üzrə istintaq tədbirləri davam etdirilir.
Bölmənin digər xəbərləri
