UEFA Çempionlar Liqasında səkkizdəbir final mərhələsinin üçüncü həftəsinin rəmzi komandası açıqlanıb
Bakı, 13 mart, AZƏRTAC
Martın 13-də UEFA qitənin ən nüfuzlu klub turniri - Çempionlar Liqasının səkkizdəbir final mərhələsinin üçüncü həftəsinin rəmzi “11-liyi”ni açıqlayıb.
AZƏRTAC qurumun saytına istinadla xəbər verir ki, ilk “11-lik”də 5 fərqli klubun futbolçuları yer alıb.
Rəmzi heyətdə Qulaçi Peter, Anxelino, Dayo Upamekano, Lukas Klosterman (“Leyptsiq”, Almaniya), Xuan Bernat (“PSJ”, Fransa), Markos Lorente (“Atletiko Madrid”, İspaniya), Marsel Sabitser (“Lepytisq”, Almaniya), Ferran Torres (“Valensiya”, İspaniya), Yosip İliçiç (“Atalanta”, İtaliya), Kevin Qameyro (“Valensiya”, İspaniya) və Alvaro Morata (“Atletiko Madrid”, İspaniya) daxil edilib.
Xatırladaq ki, UEFA Çempionlar Liqasının digər cavab oyunları martın 17-18-də keçiriləcək.
Bölmənin digər xəbərləri
