UFAZ “Technip Energies” şirkəti ilə əməkdaşlığı genişləndirir
Bakı, 6 aprel, AZƏRTAC
Azərbaycan-Fransız Universitetində (UFAZ) “Technip Energies” şirkətinin Baş vitse-prezidenti və idarə heyətinin üzvü Şarl Sesso, biznesin inkişafı üzrə vitse-prezidenti Luici Fiorentino, maliyyə direktoru Toni Kchok, Azərbaycan nümayəndəliyinin rəhbəri Gianluka Florio ilə görüş olub.
Bu barədə AZƏRTAC-a UFAZ-dan məlumat verilib.
Görüşdə qonaqlara UFAZ və universitetdə tədrisin təşkili barədə məlumat verilib.
UFAZ ilə “Technip Energies” şirkəti arasında əməkdaşlığın genişləndirilməsinə dair fikir mübadiləsi aparılıb.
Sonra qonaqlar Azərbaycan-Fransız Universitetində “Technip Energies” şirkəti tərəfindən UFAZ, Bakı Ali Neft Məktəbi, Azərbaycan Dövlət Neft və Sənaye Universiteti tələbələri üçün təşkil edilən “Master Technology Transfer Program 2023” adlı 8 həftəlik təlimlər sessiyasının iştirakçıları ilə görüşüblər.
Şarl Sesso sessiyanın dinləyiciləri qarşısında təqdimatla çıxış edib.
Bölmənin digər xəbərləri
