Ukrayna MSK-sı prezident seçkiləri ilə bağlı qərarını açıqlayıb
Kiyev, 27 dekabr, AZƏRTAC
Ukraynada martın 31-də keçiriləcək prezident seçkiləri ilə bağlı proses dekabrın 31-dən başlayacaq.
AZƏRTAC Ukrayna Mərkəzi Seçki Komissiyasının saytına istinadla xəbər verir ki, bu barədə MSK-nın dekabrın 27-də keçirilən iclasında qərar qəbul edilib.
Namizədlərin seçkiöncəsi təbliğatı isə martın 29-u saat 00:00-da başa çatacaq. İkinci tura ehtiyac qalmasa, seçkilərin rəsmi nəticələri aprelin 10-dək təsdiqlənməlidir.
Əgər prezident seçkilərinin ikinci turuna ehtiyac yaranarsa, o zaman səsvermə aprelin 21-də keçiriləcək. Yeni seçilən prezidentin andiçmə mərasimi isə mayın 31-dək keçirilməlidir.
Qeyd edək ki, Ukraynada prezident seçkilərinə rəsmi startın dekabrın 29-dan başlanacağı deyilmişdi.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
