Ukrayna Quru Qoşunlarının komandanı Baxmutdakı son vəziyyəti açıqlayıb
Kiyev, 13 mart, AZƏRTAC
Martın 13-ü səhər saatlarına olan məlumata görə, Baxmutda vəziyyət ağır olaraq qalır. "Vaqner" muzdluları müdafiəni yarıb şəhərin mərkəzinə girməyə çalışırlar.
AZƏRTAC xəbər verir ki, bu barədə bəyanatla Ukrayna Quru Qoşunlarının komandanı, general-polkovnik Oleksandr Sırskiy çıxış edib.
“Vaqner” hücum dəstələri bir neçə istiqamətdən irəliləyir, qoşunlarımızın müdafiəsini yarıb şəhərin mərkəzi rayonlarına doğru irəliləməyə çalışır”, - deyə o bildirib.
Sırskiy deyib ki, Baxmut artilleriya, tank və digər silahlardan atəşə tutulur. Ukrayna hərbçiləri şəhərin müdafiəsini davam etdirir və eyni zamanda, düşməni xeyli itkiyə uğradırlar.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
