Ukraynada koronavirusdan ölənlərin sayı 644 nəfərə çatıb
Kiyev, 26 may, AZƏRTAC
Ukraynada son sutkada 339 nəfər koronavirusa yoluxub, 21 nəfər isə ölüb.
AZƏRTAC ölkənin Səhiyyə Nazirliyinə istinadla xəbər verir ki, bununla da Ukraynada koronavirusa yoluxanların sayı 22 mini ötüb. Onlardan 1581-i uşaq, 4183-ü isə tibb işçisidir. Virusdan ölənlərin sayı 644 nəfərdir. Ölənlərin 85 faizində ürək-damar, şəkərli diabet, böyrək çatışmazlığı kimi xəstəliklər olub. Yoluxanlardan 7575-i müalicə olunaraq evlərinə buraxılıb. Koronavirusla bağlı 301 mindən artıq test aparılıb.
Qeyd edək ki, ölkədə iyunun 22-dək karantin rejimi elan olunub. Mayın 11-dən isə karantin rejiminin yumşaldılması tədbirləri həyata keçirilir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
