UKRAYNADA QUŞ QRİPİ VİRUSUNUN LƏĞV EDİLMƏSİ ÜÇÜN BÜTÜN ZƏRURİ TƏDBİRLƏR GÖRÜLÜR

15.12.2005 [12:50]
Çap et
A⁺ A^-

AZƏRTAC Ukrinforma istinadla xəbər verir ki, Ukraynada quş qripi virusunun ləğv edilməsi üçün bütün zəruri tədbirlər görülür. Məsələn, virusun aşkar edildiyi Krıma Kiyevdən real vaxt rejimində müvafiq təhlillər etmək imkanına malik mərkəzi laboratoriya aparılmışdır. Krımda bütün yoluxmuş təsərrüfatların dezaktivasiyası və əhalidən quşların alınması da başa çatmışdır.

Ev quşları əvvəlcə Krımın Sovet, Canköy və Nijneqorsk rayonlarında tələf olmuşdur. Hazırda quş qripinin mövcud yüksəkpatogenli H5 virusu on iki yaşayış məntəqəsində qeydə alınmışdır.

Tələf olan ev quşlarının ümumi sayı təxminən 3 min başdır. Xəstəliyin əvvəlcə qeydə alındığı kəndlər Sivaş gölü ilə həmsərhəddir. Milyonlarla köçəri vəhşi quşun miqrasiyası orada baş verir. Ev quşlarının xəstəliyə yoluxmasının səbəbi məhz köçəri quşlardır.

Ümumiyyətlə, ekspertlər təsdiq edirlər ki, ukraynalıları quşlardan qripə yoluxma təhlükəsi gözləmir. Lakin onlar təkid edirlər ki, baytarlıq təbabətinin tələblərinə və quş ətinin hazırlanması texnologiyasına riayət etmək lazımdır.

UKRAYNADA QUŞ QRİPİ VİRUSUNUN LƏĞV EDİLMƏSİ ÜÇÜN BÜTÜN ZƏRURİ TƏDBİRLƏR GÖRÜLÜR

MÜƏLLİFLƏ ƏLAQƏ

Bölmənin digər xəbərləri