Ukraynada son sutkada 59 nəfər koronavirusdan ölüb
Kiyev, 22 sentyabr, AZƏRTAC
Ukraynada son sutka ərzində koronavirusa yoluxma hallarında artım davam edib.
AZƏRTAC Ukrayna Səhiyyə Nazirliyinə istinadla xəbər verir ki, ölkədə son sutkada 2884 nəfər koronavirusa yoluxub, 59 nəfər isə dünyasını dəyişib. Ən çox yoluxma Kiyev, Odessa, Xarkov və Ternopol vilayətlərində qeydə alınıb.
Bununla da ölkədə koronavirusa yoluxanların sayı 181 min 237 nəfərə çatıb. Bu infeksiyadan ölənlərin ümumi sayı 3642 nəfərdir, 79 min 901 xəstə isə sağalaraq evə buraxılıb.
Qeyd edək ki, Ukraynada koronavirusla bağlı vəziyyət pisləşdiyindən karantin müddəti noyabra qədər uzadılıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
