Ukraynalı rektor ADNSU-nun 100 illik yubiley medalı ilə təltif edilib
Bakı, 8 iyul, AZƏRTAC
Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlı Ukraynanın Yuri Kondratyuk adına Poltava Milli Texniki Universitetinin rektoru Vladimir Onişenko və nümayəndə heyəti ilə görüşüb.
ADNSU-dan AZƏRTAC-a bildiriblər ki, universitetlər arasında əməkdaşlığın müzakirə olunduğu görüşdə yeni fəaliyyət istiqamətləri və perspektivlər, tələbə mübadiləsi və digər məsələlərlə bağlı müzakirələr aparılıb.
Professor M.Babanlı universitetlə sıx əməkdaşlıq əlaqələrinin yaradılmasında xidmətlərinə görə V.Onişenkoya “Azərbaycan Dövlət Neft və Sənaye Universitetinin 100 illiyi (1920-2020) yubiley medalı”nı təqdim edib.
Bölmənin digər xəbərləri
