ÜMUMDÜNYA YABANI TƏBİƏT FONDU AVROPALILARI BALIQ YEMƏMƏYƏ ÇAĞIRIR
AZƏRTAC xarici KİV-lərə istinadla xəbər verir ki, Ümumdünya Yabanı Təbiət Fondu (ÜYTF) balıqların sayının azalmasının qarşısını almaq üçün əhalini az balıq yeməyə çağırır. Avropada satılan balıqların əksəriyyəti qanunsuz və ya israfçılıqla tutulur. Fondun məruzəsində deyilir ki, bu, bir çox növlərin məhv olmasına gətirib çıxara bilər. Bu, xüsusilə qalxan balığına aiddir. ÜYTF-nın məruzəsinə görə, tutulan qalxan balığının yarısı həddindən artıq xırda olduğundan təkrar dənizə buraxılsa da, balıq o vaxtadək məhv olur.
Məruzədə qılınc balığın dirfter toru ilə tutulmasına xüsusi diqqət yetirilir. Bu səbəbdən hər il təxminən 100 min akula məhv olur. ÜYTF istehlakçıları yalnız üzərində lazımi yolla tutulduğunu təsdiq edən xüsusi nişan olan balıqları almağa çağırır.
Bölmənin digər xəbərləri
