ÜMUMİ DAXİLİ MƏHSUL İSTEHSALI ARTMIŞDIR
Sənayedə 166 milyard manatlıq məhsul istehsal olunmuş, əsas kapitala yönəldilən sərmayələrin həcmi artaraq 440 milyard 800 milyon manat təşkil etmişdir.
Cari ilin ötən ayları ərzində bir çox sahələr üzrə əldə olunmuş nəticələr, hətta keçən ilin göstəricilərini də arxada qoymuşdur. 2004-cü ilin illik göstəriciləri ilə müqayisədə 2005-ci ilin əvvəlindən indiyədək sənayedə 38 milyard 169 milyon manatlıqdan, kənd təsərrüfatında 10 milyard 185 milyon manatlıqdan çox məhsul istehsal olunmuş, əsas kapitala yönəldilən sərmayələrin həcmi 39 milyard 819 milyon manat, xarici ticarət dövriyyəsinin həcmi isə 9 milyon 746 min 300 ABŞ dolları çox olmuşdur.
2004-cü ilin müvafiq dövrü ilə müqayisədə ümumi daxili məhsulda sənaye məhsulları 67 faiz, kənd təsərrüfatı məhsulları 11 faiz, tikinti işlərinin həcmi 52 faiz artmış, göstərilən xidmətlər 18 faiz çoxalmışdır.
Bölmənin digər xəbərləri
