UN-Habitat-ın nümayəndəsi: Kabo-Verdedə urban dayanıqlılığı üçün yeni yanaşmalar tətbiq olunur
Bakı, 20 may, AZƏRTAC
Kabo-Verdedə həyata keçirilən urban layihələr çərçivəsində sosial mənzil, urban dayanıqlılığı və ictimai məkanların inkişafına xüsusi diqqət yetirilir.
AZƏRTAC xəbər verir ki, bunu Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “İnteqrasiya olunmuş şəhər həlləri və mənzil üçün insan təhlükəsizliyindən istifadə – BMT-nin birgə fəaliyyətindən dərslər” mövzusunda tədbirdə çıxışı zamanı BMT-nin Məskunlaşma Proqramının (UN-Habitat) Qərbi Afrika üzrə Subregional Mərkəzinin direktor müavini Evandro Holz deyib.
O bildirib ki, Qərbi Afrikada yerləşən Kabo-Verde əhalisinin təxminən 70 faizi şəhərlərdə yaşayır və ölkə yüksək urbanizasiya səviyyəsinə malik kiçik ada dövlətidir. Onun sözlərinə görə, ölkə siyasi baxımdan sabit hesab olunsa da, narkotik qaçaqmalçılığı, gənclər arasında cinayətkarlıq və turizmdən yüksək asılılıq kimi problemlərlə üzləşir.
Evandro Holz qeyd edib ki, proqramın ilk mərhələsi COVID-19 pandemiyasından sonrakı bərpa, maarifləndirmə və təşviqat işlərinə fokuslanıb. Hazırda davam edən ikinci mərhələdə isə urban dayanıqlılığı və sosial mənzil məsələləri proqramın əsas istiqamətlərinə daxil edilib. O bildirib ki, Kabo-Verde nümunəsini fərqləndirən əsas məqamlardan biri insan təhlükəsizliyi yanaşmasının urban layihələrə tətbiq olunmasıdır.
Müxbir - Aytən Abbaslı
Bölmənin digər xəbərləri
