“UORLD PERSPEKTİV” AZƏRBAYCANIN AQRARBÖLMƏSİNƏ SƏRMAYƏ CƏLB ETMƏK NİYYƏTİNDƏDİR

28.07.2003 [14:26]
Çap et
A⁺ A^-

Kənd təsərrüfatı naziri İrşad Əliyev ABŞ-ın “Uorld perspektiv” şirkətinin kənd təsərrüfatı üzrə məsləhətçisi Harold Handleylə görüşündə ölkəmizdə aqrar islahatların uğurlu nəticələri, sahə ilə bağlı qəbul olunan qanunlar barədə ətraflı məlumat vermişdir. Bildirilmişdir ki, Azərbaycan Prezidenti Heydər Əliyevin rəhbərliyi ilə ölkəmizdə torpaq islahatı tam başa çatmışdır. Aqrar sahədə Azərbaycan bu gün regionun ən çox inkişaf etmiş ölkəsidir. Kənd təsərrüfatı məhsulları istehsalçıları, torpaq vergisi istisna olunmaqla, digər vergilərdən azad edilmişlər. Hazırda kənd təsərrüfatı məhsulları istehsalının 99 faizi özəl bölmənin payına düşür.

Azərbaycanda kənd təsərrüfatı sahəsindəki uğurları müsbət qiymətləndirən Harold Handley demişdir ki, səfərinin əsas məqsədi bu sahə ilə yaxından tanış olmaq və aqrar bölmənin ehtiyac olan sahələrinə sərmayədarların cəlb edilməsi imkanlarını araşdırmaqdır.

İrşad Əliyev ölkəmizdə xarici iş adamlarına yaradılmış şərait, onların fəaliyyətlərinin hüquqi tənzimlənməsi ilə bağlı qəbul olunmuş qanunlar və digər məsələlərlə bağlı qonağı maraqlandıran suallara ətraflı cavab vermişdir.

“UORLD PERSPEKTİV” AZƏRBAYCANIN AQRARBÖLMƏSİNƏ SƏRMAYƏ CƏLB ETMƏK NİYYƏTİNDƏDİR

MÜƏLLİFLƏ ƏLAQƏ

Bölmənin digər xəbərləri