ÜST: Dörd həftədə dünyada koronavirusdan ölüm hallarının sayı 65 faiz azalıb
Bakı, 9 mart, AZƏRTAC
Fevralın 6-dan martın 5-dək olan müddətdə dünyada 32 minə yaxın insan koronavirus infeksiyasına yoluxma səbəbindən vəfat edib.
AZƏRTAC Ümumdünya Səhiyyə Təşkilatının (ÜST) epidemioloji bülleteninə istinadla xəbər verir ki, bu dövrdə yoluxma hallarının sayı əvvəlki 28 günlə müqayisədə 58 faiz azalıb.
ÜST-nin məlumatına görə, dörd həftə ərzində 4.475.653 yoluxma və 31.926 ölüm faktı qeydə alınıb.
28 gündə koronavirus infeksiyasına ən çox yoluxma faktı ABŞ-də aşkar edilib (1.027.596). Sonrakı yerləri Yaponiya (539.251), Çin (454.575), Almaniya (379.505) və Rusiya (345.384) tutur.
Fevralın 6-dan martın 5-dək olan müddətdə ən çox ölüm faktı da ABŞ-də qeydə alınıb (10.856). Sonrakı yerləri Yaponiya (3.432), Çin (2.634), Böyük Britaniya (2.103) və Braziliya (1.931) tutur.
Bölmənin digər xəbərləri
