Vankuver şəhərində Azərbaycanın Konstitusiya Günü qeyd olunub
Bakı, 18 noyabr, AZƏRTAC
Kanadanın Vankuver şəhərində Azərbaycan Respublikasının Konstitusiya Günü qeyd olunub.
Vankuver Azərbaycan Mədəniyyət Mərkəzinin bununla bağlı təşkil etdiyi tədbirdə ölkəmizin Kanadadakı müvəqqəti işlər vəkili Ramil Hüseynli, Şimali Vankuverin meri Darel Musato, Azərbaycan və türk diasporunun, şəhər ictimaiyyətinin nümayəndələri iştirak ediblər.
R.Hüseynli çıxış edərək Azərbaycan Konstitusiyasının tarixindən, Əsas Qanunun dövlətimizin inkişafındakı rolundan, eləcə də ölkəmizin əldə etdiyi nailiyyətlərdən danışıb.
Sonda tədbirdə Azərbaycan musiqisi və rəqsləri nümayiş etdirilib.
Müvəqqəti işlər vəkili Vankuver şəhərində yaşayan Azərbaycan icmasının üzvləri və bu şəhərdə təhsil alan azərbaycanlı tələbələrlə də görüşüb. O, Vankuverdə yaşayan icma üzvlərini Azərbaycan həqiqətlərinin Kanada ictimaiyyətinə çatdırılması və erməni yalanlarının ifşa edilməsi istiqamətində səylərini səfərbər etməyə çağırıb.
Bölmənin digər xəbərləri
