“VƏZİYYƏTLƏRİN İDARƏ OLUNMASI VƏ AİLƏYƏ YARDIM” MÖVZUSUNDA MİLLİ KONFRANS KEÇİRİLMİŞDİR
AZƏRTAC xəbər verir ki, iyunun 2-də İSR Plaza mehmanxanasında “Uşaqların Xilası” Təşkilatının təşəbbüsü ilə USAİD tərəfindən maliyyələşdirilən Uşaqlara İcma əsaslı Dəstək Proqramı çərçivəsində Keys Menecment üzrə “Vəziyyətlərin idarə olunması və ailəyə yardım” mövzusunda milli konfrans keçirilmişdir.
Proqramın meneceri Sahib Məmmədov vurğulamışdır ki, konfransın məqsədi proqramın fəaliyyətindən irəli gələn təcrübələri Azərbaycanda uşaq müdafiəsi sahələrində çalışan mütəxəssislərə təqdim etmək və ətraflı müzakirə aparmaqdır.
Sosial iş üzrə texniki məsləhətçi Piter Evans “Keys Menecmentin beynəlxalq perspektivləri” mövzusunda məruzəsində Keys Menecmentin uşaq və ailənin mühafizəsini artıran xidmətlərin göstərilməsi metodu olduğunu qed etmiş, ailədən kənarda, uşaq evlərində, internat məktəblərində və s. yaşayan uşaqlara Keys Menecment xidməti göstərilməsinin vacibliyini diqqətə çatdırmışdır. Natiq məlumat vermişdir ki, ailədə uşaq xüsusi risk altında olduqda, ailə dövlət və qeyri-dövlət müəssisələrinin dəstəyi olmadan övladını müdafiə edə bilmədikdə bu metoddan istifadə edilməklə ailəyə müdaxilə olunur.
Keys Menecment komandalarının üzvləri fəaliyyətləri haqda məlumat vermişlər.
Konfrans müzakirələrlə davam etdirilmişdir.
Bölmənin digər xəbərləri
