VI Beynəlxalq “Tullantıdan sənətə” sərgisinin 1500-ə yaxın ziyarətçisi olub
Bakı, 16 oktyabr, AZƏRTAC
Oktyabrın 10-dan 15-dək “Qala” Dövlət Tarix-Etnoqrafiya Qoruğunda VI Beynəlxalq “Tullantıdan sənətə” sərgisi keçirilib. Sərgi Heydər Əliyev Fondunun təşəbbüsü, “Təmiz Şəhər” Açıq Səhmdar Cəmiyyətinin təşkilatçılığı, IDEA İctimai Birliyi, “İçərişəhər” Dövlət Tarix-Memarlıq Qoruğu İdarəsi və “Q Gallery” incəsənət qalereyasının dəstəyi ilə təşkil edilib.
“Təmiz Şəhər” ASC-nin mətbuat xidmətindən AZƏRTAC-a bildirilib ki, məişət tullantılarından, lazımsız əşyalardan istifadə olunaraq hazırlanmış sənət əsərlərinin təqdim edildiyi sərgidə 9 ölkədən 25 incəsənət nümayəndəsinin əl işləri nümayiş olunub.
Tullantıların “ikinci həyat” tapdığı məkanı ziyarət edənlərin sayı isə 1500-ə yaxın olub.
Bölmənin digər xəbərləri
