Voleybol üzrə Azərbaycan çempionatında növbəti oyunlar keçiriləcək
Bakı, 16 fevral, AZƏRTAC
Kişilər arasında voleybol üzrə Azərbaycan çempionatında növbəti oyunların keçiriləcəyi vaxt məlum olub.
AZƏRTAC xəbər verir ki, Azərbaycan Yüksək Liqasında VIII turun qarşılaşmaları fevralın 17-də təşkil ediləcək.
Həmin gün meydana əvvəlcə “Neftçi” və “Xarı bülbül” klubları çıxacaqlar. Bu oyuna saat 16:00-da start veriləcək.
Günün ikinci matçı MOİK və “Murov” kollektivləri arasında olacaq. Bu görüş saat 18:00-da başlanacaq.
Qeyd edək ki, hər iki qarşılaşma Azərbaycan Voleybol Mərkəzində keçiriləcək.
Bölmənin digər xəbərləri
