V.PUTİN: “AVROPALILAR MƏHƏMMƏDDƏN DƏ BÖYÜK MÜSƏLMAN OLMAQ İSTƏYİRLƏR”
O, Çeçenistanda insan hüquqları ilə bağlı suala cavabında demişdir: “Bəzən mənə elə gəlir ki, Avropanın bir sıra siyasi xadimləri Peyğəmbər Məhəmməddən də böyük müsəlman olmaq istəyirlər”.
Bu ifadə ictimaiyyətdə geniş əks-səda doğurmuşdur. Bəzi şərhçilərin fikrincə, Prezident ya Çeçenistanda insan hüquqları məsələsinin avropalıları müsəlmanlardan daha çox narahat etməsinə, yaxud da Peyğəmbərin adı ilə terror aktlarına rəvac verilməsinə və avropalıların da bunu dəstəkləməsinə işarə edə bilər.
V.Putinin sözlərinə görə, Rusiya Avropa Birliyi siyasətçilərinin Çeçenistanla bağlı hazırladıqları sosial-iqtisadi məsələlərdə qarşılıqlı fəaliyyət planına diqqətlə yanaşmışdır. Prezident demişdir: “Biz bu planı minnətdarlıqla qəbul edirik və bir yerdə işləyəcəyik”.
V.Putinin fikrincə, terrorçuların demokratik prinsiplərdən demokratik təsisatlarla mübarizə aparmaq üçün istifadə etmələrinə yol vermək olmaz. Putin demişdir ki, terrorizmlə mübarizə terrorçuların cəmiyyət üçün yaratdıqları təhlükəyə uyğun aparılmalıdır. Biz isə, əlbəttə, sivilizasiyalı üsullardan istifadə etməliyik.
Bölmənin digər xəbərləri
