WADA-nın qadağan etdiyi maddələrin siyahısı gələn ildən qüvvəyə minəcək
Bakı, 29 dekabr, AZƏRTAC
Ümumdünya Antidopinq Agentliyinin (WADA) 2026-cı il üçün açıqladığı qadağan edilmiş maddələrin siyahısı 1 yanvar 2026-cı il tarixindən qüvvəyə minəcək.
Bu barədə AZƏRTAC-a Azərbaycan Milli Antidopinq Agentliyindən (AMADA) məlumat verilib.
Siyahı AMADA tərəfindən Azərbaycan dilinə tərcümə olunub.
Qadağan edilmiş maddələrin siyahısı ilə yanaşı, əsas dəyişikliklərin xülasəsi və monitorinq proqramı da tərcümə edilərək AMADA-nın rəsmi internet səhifəsində yerləşdirilib.
Siyahı üç hissədən - hər zaman qadağan edilmiş maddələr və üsullar, yarış müddətində qadağan edilmiş maddələr və üsullar və müəyyən idman növlərində qadağan edilmiş maddələrdən ibarətdir.
Bölmənin digər xəbərləri
