XALQ ARTİSTİ HABİL ƏLİYEV YENİ MUSİQİ ALBOMU ÜZƏRİNDƏ İŞLƏRİNİ BAŞA ÇATDIRMIŞDIR

20.01.2004 [04:12]
Çap et
A⁺ A^-

Azərbaycan musiqi ifaçiliğı sənətinin görkəmli nümayəndəsi, məşhur kaman ustası Habil Əliyev qədim xalq mahnılarından ibarət yeni musiqi albomu və kompakt disk üzərində yaradıcılıq işlərini başa çatdırmışdır.

Xalq artisti Habil Əliyev AZƏRTAC-müxbirinə bildirmişdir ki, onun musiqi albomları və kompakt diskləri ilk dəfə Fransada, İtaliyada və Yaponiyada yüksək səviyyədə hazırlanıb işıq üzü görmüşdür. Azərbaycanlı dinləyicilərin istifadəsinə veriləcək yeni musiqi albomu və kompakt disk isə onun ötən il Bakıda buraxılmış “Habil Kaman möcüzəsi” adlı ilk audio kassetindən sonra öz pərəstişkarları ilə ikinci görüşü olacaqdır.

“Səbuhi” səsyazma studiyasında hazırlanmış yeni musiqi albomu və disk yanvar ayının sonlarında buraxılacaqdır.