XARİCİ İŞLƏR NAZİRLİYİNİN MƏTBUAT MƏRKƏZİ XƏBƏR VERİR
Fevralin 15-də Azərbaycan Respublikasının xarici işlər naziri Vilayət Quliyev Rusiya Federasiyasının Azərbaycandakı Fövqəladə və Səlahiyyətli səfiri Nikolay Ryabovu qəbul etmişdir.
Görüş zamanı iki ölkə arasındakı dostluq münasibətlərinin və işgüzar əlaqələrin möhkəmlənməsi və genişlənməsinə dair ətraflı fikir mübadiləsi aparıldı.
Söhbət zamanı Vilayət Quliyev və Nikolay Ryabov Rusiya ilə Azərbaycan arasında diplomatik əlaqələrin yaradılmasının 10-cu ildönümü ilə əlaqədar bir sıra tədbirlərin keçirilməsinin zəruriliyini vurğuladılar.
Sonra səfirin xahişi ilə nazir V.Quliyev İstanbulda başa çatmış İslam Konfransı Təşkilatı ilə Avropa Birliyinin birgə Forumunun nəticələri barədə məlumat verdi.
Görüşdə qarşılıqlı maraq doğuran bir sıra məsələlər də müzakirə olundu.
Bölmənin digər xəbərləri
